- Blz. 84 [80] “Deus Assit. Condt ende kennelyck sy allen denghenen die dit teghenwoirdich register sullen sien off hoeren lesen, dat wy Jan Claiszoen priester, pastoir van Voirburch, Arent van Duvenvoirde, Jan Corneliszoen, schout van Voirburch, Willem Willemszoen, Huych Pieterszoen, Jan Willemszoen van Berghen, nu ter tyt kerckmeesters van Voirburch, Jacop Pieters Obrechszoens zoen ende Ansem Ansemszoen als heyligheestmeesters van Voirburch, Cornelis Michielszoen ende Willem Gardynszoen als ghildemeesters van Voirburch, mit GARDYN DIRXZOEN, Pieter Dirxzoen Binchorst, Vranck Arentszoen, Jacob Gherytszoen ende andere ghemeen buyren van de prochie van Voirburch, omdat die goeden ende renten van de kerck, heyligheest, Onser Liever Vrouwen ghilde ende de pastorie ofte cure van Voirburch te bette souden bliven bekent onse naecoomelinghen ende niet en souden verbystert ofte verdonckert worden, want die in testamenten tot Goids eere ende dienste van onse ouders ende voirouders tot lavenisse van hairluyden zielen ghemaect ende gegeven syn, soe hebben wy ghemaict een register als hiernae volghet, beghinnende op dat oisteynde an de zuydzyde” (circa 1506 samengestelde inventarisatie)
Blz. 96 [132] “Op GARDIJN DIRCZOENS woning de kerk een pond ende Fye Gardyns besprack ende pastorie 5 scellinghen. Ende heeft belegen ande westzijde Pieter voirscreven ande oistzide Clais Willemszoens zoen ’t zuytende de heerwech ende ’t noirtende de scheyding. Noch heeft GARDYN besprocken voir een ewige memorie met AEFGEN, syn wijf, ende syn ouders 40 pond Hollants an ghelt. Ende een pond ’s jairs op 1 ½ hont lants. Ende heeft belegen ande oistzide Jacob Pieter Obrechszoen, ande westzide Pieter Dirxzoen, ’t zuytende de Vliet, ende ’t noirtende de heerwech. Noch bruijct GARDYN 1 ½ morgen lants in ’t Myenweer. Ende behoirt d’een helft de kerck ende d’ander helft de pastorie ses pond. Ende heeft belegen an de oistzide Cornelis Willem Aemszoen, an de westzide d’erfgenamen van Clais Aryszoen, Ariaen Jacopszoen mit Heynrick Floryszoen ghemeen, an ’t noirtende de Vliet, an ’t zuytende de watersloet. Ende ’t pont upte 1 ½ hont behoirt de kerck 10 scellinghen ende de pastorie 10 scellinghen voir dat nomen opte stoel”.
Blz. 92 [110] 30. “Op Jacop Pieter Obrechszoens oistwoning dairnaist ofte grote woning de kerk 2 pont ’s jairs ende besprack Jacop Arentzoen mit Alyt sijn wijf. Noch 2 pont ’s jairs ende Pieter Obrechszoen besprack oir hem ende sijn wijf. Ende heeft belegen an de westzide **Jacop Jacopzoens weduwe Brechgen mit de kinderen**, ’t zuytende de Vliet, ’t noirtende de heerwech GARDYN DIRXZOEN mit 1 ½ hont lants”
|
ca. 1451 - na 1522 (> 72 jaar)